GEDANKENBILDERBUCH

immer gehts net,
des dichtn

doch manchmal
denk i ma

sche warats scho,
so a neichs gedicht

weil de alten
gfalln ma nimma

wia des halt so ist
mit de altn hüat

de zu nix mehr
zu gebrauchn san

zu goa nix

oba weghaun
wül mas a net

drum schau ma
ses allaweil an

bis mas gwohnt san
und goa nimma bemerkn,
dass do san

und drum warat
a neichs gedicht scho sche

damit i wieda was bemerk
in meiner garderob

so an flottn huat
mit ana großn krempn

den tat i ma dann
aufsetzn, wann i furtgeh

mit meine freundinnan

wui, de tatn schaun,
wann i so fesch
daherkammat

und in da stadt
drahratn se olle leit um,
wegn mein neichn huat

oba, was soll i tuan,
wann ma nix einfallt

denn immer gehts net,
des dichtn